Blogs

जापानमा नेपाली चलचित्र प्रदर्शनमा युनाको एकछत्र राज

जापानमा पछिल्लो समय नेपाली फिल्मको बजार फराकिलो हुँदै गइरहेको छ । रामबाबु गुरुङ निर्देशित फिल्म ‘कबड्डी ४’ र उपेन्द्र सुब्बा निर्देशित फिल्म ‘जारी’ले रेकर्डब्रेक विजनेस गरेपछि नेपाली फिल्मको विजनेसको लागि जापान कोशेढुङ्गा साबित बनेको छ ।

एकपछि अर्को गर्दै नेपाली फिल्मको सफल प्रदर्शन नेपाली फिल्म उधोगको लागि नै शुभ संकेत हो । पछिल्लो समय नेपाली फिल्मको प्रदर्शन र प्रवर्धनमा अग्र पङ्ग्तिमा आएको कम्पनि हो ‘यूएनए इन्टरटेन्मेन्ट’ । यो कम्पनिले जापानमा थुप्रै नेपाली फिल्मको प्रदर्शन र प्रवर्धन गर्दै आएरहेको छ ।

यतिबेला वर्ष २०८० का संभावनावान तीन ठुला ब्यानरका फिल्मको जापान प्रदर्शन अधिकार लिएर प्रचारप्रसार समेत थालनी गरिसकेको छ ।

‘यूएनए’ले तीन फिल्म (पशुपति प्रसाद २) ‘भस्मे डन’, र ‘दिमाग खराब’ र ‘नाङ्गो गाउँ’ को प्रदर्शन अधिकार आफ्नो पोल्टामा पारेको छ ।’नाङ्गो गाउँ’लाई नेपालबाट भिजोनिया कम्पनिका सुवास लामिछानेले खरिद गर्दा जापानको नागोया प्रदर्शन अधिकार भने ‘यूएनए’ले लिएको हो ।

कम्पनिका निर्देशक उज्ज्वल गुरागाइँले तीनवटै फिल्मलाई जापानमा रहेका नेपालीमाझ प्रदर्शनको लागि महंगो रकममा खरिद गरेको बताए । जापानमा रेष्टुरेन्ट र पार्टी हलमा नेपाली फिल्म प्रदर्शन हुँदै आएकोमा यो कम्पनि एक कदम अघि बढ्दै अब फिल्म हलमा नै नेपाली फिल्मको प्रदर्शन गराउँदै छ ।

NEWS LINK:-

https://www.nrntvshow.com/detail/850?fbclid=IwAR2hle8dkvsGur1dU6axFQepKos1eDGLEq76nUfkc5J0hjhr1FJShZsa60Y_aem_th_ATRAe-em4t_8XdHm17QBYRHAPUP2RjXA1yFBZOcJq3p3qoeCoIEpOw8fPGPzn23DbTc

You may also like

%d